Azərbaycan və Pakistan arasında 12-ci İşçi Qrupu Səviyyəli Görüşü keçirilib-FOTOLAR

Bakı şəhərində Azərbaycan Respublikası Müdafiə Nazirliyi ilə Pakistan İslam Respublikası Müdafiə Qüvvələri Qərargahı arasında “Azərbaycan-Pakistan 12-ci İşçi Qrupu Səviyyəli Görüşü” baş tutub.

hadiseler.info xəbər verir ki, bu barədə Müdafiə Nazirliyinin Mətbuat xidmətindən məlumat verilib.

Müdafiə Nazirliyinin Beynəlxalq Hərbi Əməkdaşlıq İdarəsində təşkil olunan görüşdə hər iki ölkənin müdafiə qurumları arasında ikitərəfli əməkdaşlığın mövcud vəziyyəti, inkişaf perspektivləri və qarşılıqlı maraq kəsb edən digər məsələlər ətrafında fikirlər bölüşülüb.

Tədbir çərçivəsində görüşün yekun protokolu imzalanıb, tərəflər arasında qarşılıqlı hədiyyələr təqdim edilib. Görüşün sonunda nümayəndə heyətlərinin iştirakı ilə xatirə fotosu çəkdirilib.