Azərbaycanda ötən gün 9 qanunsuz silah və külli miqdarda narkotik aşkarlandı

Respublika ərazisində polis əməkdaşları tərəfindən qanunsuz saxlanılan silah-sursatın və narkotik vasitələrin aşkar edilərək götürülməsi istiqamətində növbəti əməliyyat-axtarış tədbirləri keçirilib.

hadiseler.info xəbər verir ki, Daxili İşlər Nazirliyinin (DİN) verdiyi məlumata görə, sentyabrın 4-də aparılan tədbirlər zamanı ümumilikdə 9 qanunsuz silah götürülüb.

Əməliyyatlar nəticəsində 2 avtomat silahı, 1 tapança, 1 qumbaraatan, 1 qumbara, 6 tüfəng, 4 patron darağı və 70 ədəd müxtəlif çaplı patron aşkar edilərək müsadirə olunub. Həmçinin, polis əməkdaşlarının keçirdiyi əməliyyatlar zamanı ümumi çəkisi 21 kiloqrama yaxın narkotik vasitə və 72 ədəd güclü təsiredici xassəyə malik həb də qanunsuz dövriyyədən çıxarılıb.