Azərbaycanda yaşayış minimumu artırılır

Gələn ilin dövlət büdcəsində yaşayış minimumu və ehtiyac meyarının məbləği artırılıb.

hadiseler.info xəbər verir ki, bununla bağlı müddəa “Azərbaycan Respublikasının 2027-ci il dövlət büdcəsi haqqında” qanun layihəsində öz əksini tapıb.

Sənədə əsasən, növbəti ildə yaşayış minimumu ümumilikdə 314 manat (cari ildə 300 manat olub) müəyyənləşdirilib. Kateqoriyalar üzrə məbləğlər aşağıdakı kimidir:

 Əmək qabiliyyətli əhali üçün: 334 manat (əvvəlki ildə 317 manat olub)

 Pensiyaçılar üçün: 258 manat (245 manat olub)

 Uşaqlar üçün: 274 manat (260 manat olub)

Eyni zamanda, gələn il üçün ehtiyac meyarının həddi də 314 manat proqnozlaşdırılır. Qeyd olunan qanun layihəsi yaxın günlərdə parlamentdə müzakirəyə çıxarılacaq.