Azərbaycanın tanınmış şairi Ayaz Vəfalı vəfat edib

Azərbaycan ədəbiyyatına ağır itki üz verib.

hadiseler.info Ölkə.az-a istinadən xəbər verir ki, görkəmli şair, tərcüməçi və uzun illər “Ədəbiyyat qəzeti”nin baş redaktoru olmuş Ayaz Vəfalı 89 yaşında dünyasını dəyişib. Bu barədə məlumatı Yeni Yazarlar və Sənətçilər İctimai Birliyinin sədri, kulturoloq Aydın Xan paylaşıb.

Qeyd edək ki, Ayaz Vəfalı 1937-ci il aprelin 1-də Cəlilabad rayonunun Sabirabad kəndində anadan olub. Azərbaycan Dövlət Universitetinin Filologiya fakültəsində təhsil alan şair əmək fəaliyyətinə “Ədəbiyyat və incəsənət” qəzetində başlayıb. O, müxtəlif illərdə “Ulduz” jurnalı və “Ədəbiyyat və incəsənət” qəzetində məsul vəzifələrdə çalışıb, 1996–2014-cü illərdə isə “Ədəbiyyat qəzeti”nin baş redaktoru kimi səmərəli fəaliyyət göstərib. Allah rəhmət etsin!