Azərbaycanda muzdla çalışan işçilərin sayı açıqlandı

Ölkədə muzdlu əmək fəaliyyəti ilə məşğul olan şəxslərin sayı ilə bağlı son göstəricilər bəlli olub.

hadiseler.info xəbər verir ki, Dövlət Statistika Komitəsinin məlumatına görə, bu il iyulun 1-i vəziyyətinə ölkədə muzdla çalışan işçilərin ümumi sayı 1 milyon 787,4 min nəfər təşkil edib. Onlardan 844,6 min nəfəri dövlət sektorunda, 942,8 min nəfəri isə qeyri-dövlət (özəl) sektorunda fəaliyyət göstərib.

Muzdla çalışan işçilərin sahələr üzrə bölgüsü aşağıdakı kimidir:

 Ticarət; nəqliyyat vasitələrinin təmiri: 18,8%

 Təhsil: 17,8%

 Sənaye: 13,9%

 Səhiyyə və sosial xidmətlər: 8,6%

 Tikinti: 6,7%

 Dövlət idarəetməsi, müdafiə və sosial təminat: 6,1%

 Nəqliyyat və anbar təsərrüfatı: 4,4%

 Peşə, elmi və texniki fəaliyyət: 3,9%

 Maliyyə və sığorta fəaliyyəti: 2,4%

 Kənd, meşə təsərrüfatı və balıqçılıq: 2,3%

 İqtisadiyyatın digər sahələri: 15,1%