Azərbaycanın Latviyadakı səfiri dəyişdirildi – YENİ TƏYİNAT

Azərbaycan Respublikasının Latviya Respublikasındakı fövqəladə və səlahiyyətli səfiri vəzifəsində dəyişiklik edilib.

hadiseler.info xəbər verir ki, Prezident İlham Əliyevin imzaladığı Sərəncama əsasən, Elnur İxtiyar oğlu Sultanov Azərbaycan Respublikasının Latviya Respublikasında fövqəladə və səlahiyyətli səfiri vəzifəsindən geri çağırılıb.

Dövlət başçısının digər Sərəncamı ilə Nərminə Elsevər qızı Mustafayeva Azərbaycanın Latviyadakı yeni fövqəladə və səlahiyyətli səfiri təyin olunub.

Qeyd edək ki, N.Mustafayeva 2020-ci ildən bu günədək Azərbaycan Respublikasının Türkiyənin İstanbul şəhərindəki Baş konsulu vəzifəsində çalışıb.