Azər Mursaqulova yeni müavin təyin edilib

Dövlət Statistika Komitəsinin (DSK) rəhbərliyində yeni kadr təyinatı həyata keçirilib.

hadiseler.info xəbər verir ki, Prezident İlham Əliyev DSK sədri Azər Mursaqulova yeni müavinin təyin olunması ilə bağlı müvafiq Sərəncam imzalayıb.

Sərəncama əsasən, Dövlət Statistika Komitəsinin sədr müavini vəzifəsinə DSK-nın Aparat rəhbəri Səbuhi Fəxrəddin oğlu Əliyev təyinat alıb. Səbuhi Əliyev bu vəzifədə işdən çıxarılan Yusif Yusifovu əvəz edib.

Qeyd edək ki, Səbuhi Əliyev 14 aprel 2026-cı ildə DSK sədrinin müşaviri, avqustun 24-də isə DSK-nın Aparat rəhbəri vəzifələrinə təyin olunmuşdu.