Azərbaycan dünya çempionatında medal sayına görə üçüncü oldu

Bakıda təşkil olunan cüdo üzrə böyüklər arasında dünya çempionatının fərdi yarışları rəsmi olaraq başa çatıb.

hadiseler.info xəbər verir ki, Azərbaycan milli komandası mundialın medal sıralamasında üçüncü yeri tutmağı bacarıb. Təcrübəli cüdoçularımız ev sahibi kimi qatıldıqları mötəbər yarışda ümumilikdə 7 medal (1 qızıl, 2 gümüş və 4 bürünc) əldə ediblər.

Çempionatın ümumi medal hesabında birinci pillədə 7 qızıl, 2 gümüş və 3 bürünc medal qazanan Yaponiya qərarlaşıb. İkinci yeri isə 2 qızıl, 1 gümüş və 1 bürünc medala sahib çıxan Gürcüstan tutub. İlk beşliyi müvafiq olaraq İspaniya (1 qızıl, 2 gümüş, 1 bürünc) və Birləşmiş Ərəb Əmirlikləri (1 qızıl, 1 gümüş) tamamlayıblar.