Azərbaycandan Ermənistana növbəti neft və tranzit yükləri yola salınıb

Azərbaycandan Ermənistana neft məhsullarının ixracı və tranzit yüklərin tədarükü davam etdirilir.

hadiseler.info xəbər verir ki, Biləcəri stansiyasından Böyük Kəsik istiqamətinə 16 vaqondan ibarət, ümumi çəkisi 977 ton olan dizel yanacağı göndərilib.

Bununla yanaşı, Rusiyadan Ermənistana Azərbaycan ərazisindən tranzit keçməklə növbəti yük tədarükü də həyata keçirilib. Eyni tarixdə Böyük Kəsik istiqamətinə yola salınan tranzit yüklərə daxildir:

 Buğda: 5 vaqon (355 ton)

 Gübrə: 3 vaqon (180 ton)

 Taxta: 2 vaqon (138 ton)

Məlumat üçün bildirək ki, indiyədək Azərbaycandan Ermənistana 16 min tona yaxın dizel, 5 min tona yaxın Aİ-92 və Aİ-95 markalı benzin ixrac olunub. Həmçinin, Rusiyadan Azərbaycan vasitəsilə Ermənistana tranzit olaraq 60 min tona yaxın taxıl, 9 min tona yaxın gübrə, 1414 ton propan, 133 ton alüminium, 1114 ton kömür və 334 ton taxta daşınıb.