Azərbaycanın 4 boksçusu Avropa çempionatına qələbə ilə başladı

Monteneqronun Budva şəhərində boks üzrə U-17 Avropa çempionatı start götürüb.

hadiseler.info xəbər verir ki, 40 ölkədən 473 idmançının qatıldığı yarışın ilk günündə Azərbaycan millisinin 4 üzvü rinqə çıxıb və onların hər biri qalib gəlib.

Boksçularımızın nəticələri:

 Əli Abaslı (60 kq): 1/16 finalda Abdurahim Sounu (Belçika) 5:0 hesabı ilə məğlub edib. Növbəti mərhələdə Zeki Uğurla (Türkiyə) üz-üzə gələcək.

 Yusif Həsənli (66 kq): Adrian Silvaya (Portuqaliya) 5:0 hesabı ilə qalib gələrək 1/8 finala yüksəlib. Növbəti rəqibi Lukas Fulanoviç (Xorvatiya) olacaq.

 Hidayət Məmmədov (70 kq): 1/16 finalda Demid Kloçkoya (İsrail) ilk raundda üstün gəlib. O, növbəti döyüşünü Joel Şutsa (İsveçrə) qarşı keçirəcək.

 Yusif Ağakişiyev (75 kq): 1/16 finalda Eduard Tancerikanı (Rumıniya) 5:0 hesabı ilə yarışdan kənarlaşdırıb. İkinci görüşündə İvor Li (İngiltərə) ilə qarşılaşacaq.

Təmsilçilərimizin növbəti döyüşləri oktyabrın 6-da baş tutacaq. Avropa çempionatının qalibləri oktyabrın 11-də bəlli olacaq.