Bakı metrosunun iş saatı uzadıldı

Bakıda keçiriləcək Formula 1 üzrə Azərbaycan Qran-prisi ilə əlaqədar “Bakı Metropoliteni” QSC-də iş qrafiki dəyişdiriləcək.

hadiseler.info xəbər verir ki, bu barədə səhmdar cəmiyyətindən məlumat verilib.

Mədəni-kütləvi tədbirlər planına uyğun olaraq, sentyabrın 24-dən 26-dək “İçərişəhər”, “Sahil” və “28 May” stansiyaları gücləndirilmiş rejimdə fəaliyyət göstərəcək. Stansiyalara növbətçilik cədvəli əsasında əlavə işçi qüvvəsi cəlb olunacaq.

Sentyabrın 24-dən 25-nə və 25-dən 26-na keçən gecə qeyd edilən 3 stansiya saat 01:00-a qədər sərnişinlərin girişinə açıq olacaq.

Yaşıl və Bənövşəyi xətlər üzrə hərəkət ənənəvi qaydada təşkil ediləcək, Qırmızı xəttin digər stansiyaları isə saat 00:00-da bağlanacaq.