Məhkəmədən Trampın qərarına zərbə: Jurnalistlərin Ağ Evə girişi bərpa olunur

ABŞ-də federal məhkəmə Prezident Donald Trampın aparıcı media qurumlarına qarşı qoyduğu qadağanı ləğv edib.

hadiseler.info xəbər verir ki, federal hakim CNN, “MS NOW” və “Politico” jurnalistlərinin Ağ Evə girişinin bərpa edilməsinə qərar verib. “Reuters”in məlumatına görə, hakim üç media qurumuna tətbiq edilən qadağanın böyük ehtimalla ABŞ Konstitusiyasına zidd olduğunu bildirib.

Qeyd edək ki, sentyabrın 18-də ABŞ Prezidenti Donald Tramp həmin media qurumlarını administrasiya haqqında yalan məlumatlar yaymaqda ittiham edərək onların Ağ Evə girişini qadağan etmişdi. ABŞ lideri analoji addımları digər KİV-lərə qarşı da atacağı barədə xəbərdarlıq etmişdi.