Bakı Qızlar Universitetinin bütün tələbələri köçürüldü

Bakı Qızlar Universitetinin fəaliyyətinin dayandırılması ilə əlaqədar tələbələrin təhsilinin fasiləsizliyinin təmin edilməsi məqsədilə onların digər ali təhsil müəssisələrinə köçürülməsi prosesi yekunlaşıb.

hadiseler.info xəbər verir ki, bu barədə Bizim.Media-ya Elm və Ali Təhsil üzrə Dövlət Agentliyindən bildirilib.

Məlumata görə, universitetin 1500-ə yaxın tələbəsinin hamısı artıq özəl ali təhsil müəssisələrinə yerləşdirilib. Qeyd olunub ki, tələbələrdən 682 nəfəri Odlar Yurdu Universitetinə, qalanları isə Azərbaycan Universitetinə köçürülüb.

Xatırladaq ki, Bakı Qızlar Universiteti akkreditasiyadan keçmədiyi üçün fəaliyyətini dayandırıb.