Bakıda 28, rayonlarda 31 dərəcəyədək isti olacaq  

Milli Hidrometeorologiya Xidməti sentyabrın 2-də ölkə ərazisində gözlənilən hava şəraiti barədə məlumat yayıb.  

hadiseler.info xəbər verir ki, Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Ərazidə mülayim şimal-şərq küləyi əsəcək. Havanın temperaturu gecə 18-20° isti, gündüz 25-28° isti təşkil edəcək. Atmosfer təzyiqi 762 mm civə sütunu, nisbi rütubət isə 65-75% olacaq.  

Azərbaycanın əksər rayonlarında havanın əsasən yağmursuz keçəcəyi bildirilir. Lakin bəzi dağlıq və dağətəyi rayonlarda arabir yağış yağacağı, ayrı-ayrı yerlərdə qısamüddətli leysan xarakterli olacağı, şimşək çaxacağı və dolu düşəcəyi ehtimal edilir. Gecə və səhər bəzi dağlıq ərazilərdə arabir duman müşahid olunacaq. Bölgələrdə şərq küləyi əsəcək. Havanın temperaturu gecə 17-21° isti, gündüz 26-31° isti, dağlarda isə gecə 9-14° isti, gündüz 17-22° isti olacaq.