Bakıda 5 müntəzəm marşrutun hərəkət sxemi dəyişdirildi

Paytaxtın Suraxanı rayonunun Cavid Cabbarzadə küçəsində aparılan təmir işləri ilə əlaqədar 5 müntəzəm marşrut xəttinin hərəkəti alternativ küçələrə yönləndirilib.

hadiseler.info xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.

Qurumdan bildirilib ki, aparılan təmir-tikinti işləri ilə əlaqədar olaraq:

 106, 141, 168 və 169 nömrəli müntəzəm marşrutlar Heydər Əliyev prospekti ilə;

 214A nömrəli marşrut isə 25-ci Bülbülə küçəsi ilə hərəkət edir.

Sərnişinlərin nəqliyyat vasitələrindən rahat istifadəsini təmin etmək məqsədilə dəyişiklik müvəqqəti xarakter daşıyır.