Balakəndə ağır zəncirvari qəza: 3 nəfər dünyasını dəyişdi

Balakən rayonunda ölümlə nəticələnən ağır yol-nəqliyyat hadisəsi qeydə alınıb.

Hadisələr.info bildirir ki, səhər saatlarında “Hyundai”, “KIA” və “Toyota” markalı üç minik avtomobilinin toqquşması nəticəsində zəncirvari qəza baş verib.

Məlumata görə, şiddətli toqquşma nəticəsində 3 nəfər həyatını itirib. Həlak olanlar “Hyundai” markalı avtomobilin sürücüsü Hoorsova Məryəm Kamil qızı, “Toyota”da olan sərnişin Mütəllibov Rəşad Yaşar oğlu və Balakən rayonunun Sarıbulaq kənd sakini olan digər bir şəxsdir.

DİN-in Mətbuat Xidmətinin regional qrupundan bildirilib ki, faktla bağlı dərhal cinayət işi başlanılıb və qəzanın təfərrüatlarının müəyyənləşdirilməsi istiqamətində genişmiqyaslı araşdırma aparılır.