Bişkekdə ŞƏT sammiti başladı

Qırğızıstanın paytaxtı Bişkek şəhərində Şanxay Əməkdaşlıq Təşkilatının (ŞƏT) növbəti sammiti öz işinə başlayıb.

hadiseler.info xəbər verir ki, beynəlxalq miqyaslı tədbiri işıqlandırmaq üçün 500-dən çox yerli və xarici media nümayəndəsi akkreditasiyadan keçib. Onların 434-ü 115 müxtəlif media qurumunu təmsil edən xarici jurnalistlərdir.

Bişkekdə toplaşan media təmsilçiləri arasında Çin, Hindistan, Rusiya, Qazaxıstan, Pakistan, Özbəkistan və İranla yanaşı Azərbaycan jurnalistləri də yer alır. Media nümayəndələri sammit çərçivəsində keçirilən görüşlər və qəbul olunan qərarlar barədə operativ məlumatlar təqdim edirlər.