BMT: 2025-ci ildə miqrasiya yollarında 8 minə yaxın insan həlak olub

Dünya üzrə miqrasiya yollarında ölüm və itkin düşmə hallarının sayı artmaqda davam edir.

hadiseler.info xəbər verir ki, bu barədə BMT-nin Beynəlxalq Miqrasiya Təşkilatı (IOM) rəsmi açıqlama yayıb.

Məlumata əsasən, 2025-ci ildə qlobal miqyasda miqrasiya marşrutlarında təxminən 8 min nəfər həyatını itirib və ya itkin düşüb. IOM-un baş direktoru Emi Poup bildirib ki, miqrant qaçaqmalçıları əvvəlcədən plan quraraq ölkələr arasındakı hüquqi boşluqlardan istifadə edirlər. Bu səbəbdən təşkilat bütün dövlətləri insan alveri və miqrant qaçaqmalçılığı ilə mübarizədə birgə fəaliyyət göstərməyə çağırıb.

Açıklamada vurğulanıb ki, sentyabrın 15-nə olan göstəricilərə görə bu il dəniz yolu ilə Avropaya gələn miqrantların sayı 39 faiz azalsa da, tələfat artıb. İlin başlanğıcından bəri ən azı 2292 nəfər ölüb və ya itkin düşüb. Ötən ilin müvafiq dövründə isə bu göstərici 1999 nəfər təşkil etmişdi.