Böyük Britaniyada güclü “Boelo” fırtınası fəsadlar törədib

Böyük Britaniyada qeydə alınan güclü fırtına ölkə ərazisində ciddi dağıntılara və nəqliyyat problemlərinə yol açıb.

hadiseler.info “BBC”yə istinadən xəbər verir ki, Böyük Britaniyada “Boelo” fırtınası daşqınlara, nəqliyyatın hərəkətində ciddi çətinliklərə və genişmiqyaslı elektrik kəsintilərinə səbəb olub. Əlverişsiz hava şəraiti nəticəsində on minlərlə sakin elektrik enerjisiz qalıb.

Güclü külək həmçinin ağacların aşmasına, magistral yolların bağlanmasına və ümumi nəqliyyat hərəkətinin pozulmasına gətirib çıxarıb.