Braziliyada prezident seçkiləri ikinci tura qaldı

Braziliyada oktyabrın 4-də keçirilən prezident seçkilərinin birinci turunda qalib müəyyənləşməyib.

hadiseler.info xarici mətbuata istinadən xəbər verir ki, bülletenlərin 98,72%-i sayıldıqdan sonra nəticələr bəlli olub.

Ən son göstəricilərə görə, Liberal Partiyanın namizədi, senator Flaviu Bolsonaru seçicilərin 47,25%-nin səsini toplayaraq ilk sırada qərarlaşıb. Hazırkı dövlət başçısı Luis İnasio Lula da Silva isə 44,9% səs toplayaraq ikinci olub. Digər namizədlər əsas rəqiblərdən xeyli geridə qalıblar.

Sabiq prezident Jair Bolsonarunun oğlu olan Flaviu Bolsonaru əsas rəqibini geridə qoysa da, bu nəticə birinci turda tam qələbə qazanmaq üçün kifayət etməyib. Qalan bülletenlərin ümumi mənzərəni dəyişməyəcəyi bildirilir.

Beləliklə, dövlət başçısı postu uğrunda mübarizə Flaviu Bolsonaru və Lula da Silva arasında davam edəcək. Seçkilərin ikinci turunun 25 oktyabr 2026-cı il tarixində keçirilməsi nəzərdə tutulub.