Bu marşrutların hərəkət sxemi dəyişdirildi – SİYAHI

Bakı şəhərinin və Abşeron rayonunun qəsəbələrində aparılan təmir-tikinti işləri ilə əlaqədar nəqliyyat vasitələrinin hərəkətinə müvəqqəti məhdudiyyət tətbiq olunub.

hadiseler.info xəbər verir ki, bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) məlumat yayıb.

Məlumata əsasən, Sabunçu rayonunun Bakıxanov qəsəbəsində, Yavər Əliyev küçəsindən keçən 20 müntəzəm marşrutun (22, 24, 35, 40, 49, 55, 57, 60, 76, 78, 105, 106, 113, 141, 185, 186, 191, 208, 209 və 213 nömrəli avtobuslar) hərəkəti alternativ küçələrə yönləndirilib. Bu marşrutların əvvəlki sxem üzrə hərəkətinin 1 gün ərzində bərpa edilməsi planlaşdırılır.

Bundan əlavə, Mehdiabad qəsəbəsi, Cəlil Məmmədquluzadə küçəsində (Mehdiabad-Pirşağı yolu) tətbiq edilən məhdudiyyət səbəbindən 179 nömrəli müntəzəm marşrutun hərəkət istiqaməti dəyişdirilib. Bu avtobuslar 1 həftə müddətində Təbriz, Məhəmmədhüseyn Şəhriyar, 28 May, Fazil İsmayılov və Məhəmməd Əmin Rəsulzadə küçələri ilə fəaliyyət göstərəcəklər.