Bütün ölüm hökmləri ömürlük həbslə əvəz edildi

ABŞ-nin Kaliforniya ştatında ölüm hökmünə məhkum edilmiş şəxslərin cəzası vaxtından əvvəl azad edilmə imkanı olmadan ömürlük həbs cəzası ilə əvəz olunub.

hadiseler.info xəbər verir ki, Kaliforniya qubernatoru Qevin Nyusom bununla bağlı müvafiq qərar qəbul edib.

“Konstitusiyanın mənə verdiyi səlahiyyətlərdən istifadə edərək Kaliforniyada bütün ölüm hökmlərini şərti – vaxtından əvvəl azad edilmə hüququ olmadan ömürlük həbs cəzası ilə əvəz etmək qərarına gəldim”, – deyə qubernator bəyanatında bildirib. Q.Nyusom qeyd edib ki, bu qərar onun ölüm cəzasına qarşı bütün siyasi karyerası boyu apardığı təxminən 30 illik mübarizənin nəticəsidir.

Məlumata görə, Kaliforniyada ölüm cəzasına məhkum edilmiş 548 nəfər var. Bu göstərici ölüm hökmünün icrasını gözləyən məhkumların sayına görə Qərb yarımkürəsinin bütün ölkələri arasında ən yüksək rəqəmdir.