Ceyhun Bayramov: “Azərbaycanda 500-ə yaxın hindistanlı tələbə təhsil alır”

Azərbaycan ilə Hindistan arasında təhsil və mədəniyyət sahələrində humanitar əməkdaşlıq uğurla davam edir.

hadiseler.info “AZƏRTAC”a istinadən xəbər verir ki, bunu Azərbaycanın xarici işlər naziri Ceyhun Bayramov hindistanlı həmkarı Subrahmanyam Cayşankarla keçirdiyi birgə mətbuat konfransında bəyan edib.

Nazir kadr hazırlığı sahəsindəki dinamikadan danışarkən bildirib:

“Kadr hazırlığı çərçivəsində Hindistandan Azərbaycandakı universitetlərə və digər ali təhsil müəssisələrinə 500-ə yaxın tələbə qəbul olunub.”
Ceyhun Bayramov humanitar əlaqələrin digər sahələrinə də toxunaraq, ölkələrimiz arasında kinematoqrafiya sahəsində sıx əməkdaşlığın olduğunu diqqətə çatdırıb. Nazir indiyədək 30-dan çox Hindistan filminin Azərbaycan ərazisində çəkildiyini xüsusi vurğulayıb.