Daha 4 cüdoçumuz tatamiyə çıxır

Bakıda keçirilən cüdo üzrə dünya çempionatında mübarizə davam edir.

hadiseler.info xəbər verir ki, çempionatın növbəti günündə Azərbaycanın daha 4 təmsilçisi tatamiyə çıxacaq.

Qadınların yarışında Madina Kaisinova (+78 kq) 1/16 finalda İtaliya idmançısı Asya Tavano ilə üz-üzə gələcək.

Kişilər arasında ağır çəkidə (+100 kq) isə 3 cüdoçumuz medal uğrunda yarışacaq:

 Camal Qamzatxanov (1/32 final) – Fransisko Solis (Çili)

 Uşanqi Kokauri (1/16 final) – Emirxan Yoldoşkazıyev (Qırğızıstan)

 Kənan Nəsibov (1/16 final) – Losseni Kone (Almaniya) / Vidak Malyeviç (Serbiya) cütünün qalibi

Qeyd edək ki, Milli Gimnastika Arenasında təşkil olunan dünya çempionatı oktyabrın 11-də yekunlaşacaq. İndiyədək yığmamızın heyətində Əhməd Yusifov (60 kq) qızıl, Zelim Tçkayev (81 kq) gümüş, Rəşid Məmmədəliyev (73 kq), Ömər Rəcəbli (81 kq) və Murad Fətiyev (90 kq) bürünc medal qazanıblar.