Dehli dünyanın əən çox çirklənmiş iri şəhərlərinin reytinginə liderlik edib  

hadiseler.info xəbər verir ki, Dehli (Hindistan) şəhəri havanın çirklənmə səviyyəsinə görə dünyanın iri şəhərləri arasında birinci yerdə qərarlaşaraq “IQAir” reytinginə liderlik edib.  

Bu barədə “Reuters” məlumat yayıb.  

“IQAir”in noyabrın 7-nə olan məlumatına görə, Dehlidə havanın keyfiyyət indeksi ABŞ şkalası üzrə 581 təşkil edərək, Pakistanın Lahor şəhərinin göstəricisini (285) təxminən iki dəfə üstələyib.  

Hindistanın Mərkəzi Çirklənməyə Nəzarət Şurası Dehlidə havanın keyfiyyət indeksini 363 səviyyəsində qeydə alıb və onu “çox pis” kateqoriyasına aid edib. “Reuters” qeyd edib ki, şkalalardakı və hesablama metodikalarındakı fərqlərə görə bu göstəriciləri birbaşa müqayisə etmək olmaz.  

Hakimiyyət Dehli və ətraf rayonların məktəblərini distant təhsil imkanını nəzərdə tutmağa məcbur edib, sakinləri isə məsafədən işləmələri tövsiyə edilib.