DİN-dən genişmiqyaslı narkoəməliyyat: 9 nəfər həbs edildi- VİDEO

Daxili İşlər Nazirliyinin Baş Narkotiklərlə Mübarizə İdarəsinin əməkdaşları tərəfindən narkotik vasitələrin qanunsuz dövriyyəsinin qarşısının alınması istiqamətində növbəti xüsusi əməliyyat tədbirləri keçirilib.

hadiseler.info xəbər verir ki, Paytaxt Bakı ərazisində və Gəncə şəhərində həyata keçirilən əməliyyatlar nəticəsində E.Məmmədov, R.Qurbanov, N.Zeynalova, İ.Mayılov, K.Rüstəmov, U.Əliyev, S.Süleymanov, eləcə də İran vətəndaşı S.Esmaeilnaseb daxil olmaqla ümumilikdə 9 nəfər saxlanılıb.

Keçirilən baxış əməliyyatları zamanı həmin şəxslərdən:

 68 kiloqram narkotik vasitə,

 1600 ədəd narkotik tərkibli həb aşkarlanaraq götürülüb.

Aparılan araşdırmalarla saxlanılan şəxslərin xaricdə yaşayan narkotacirlərin tapşırıqları ilə qaçaqmalçılıq yolu ilə ölkə ərazisinə gətirilən narkotik maddələrin qanunsuz dövriyyəsini təşkil etdikləri müəyyən olunub.

Faktlarla bağlı cinayət işləri başlanılıb və məhkəmənin qərarı ilə saxlanılan 9 şəxsin hər biri barəsində həbs qətimkan tədbiri seçilib.