DSX əməliyyat keçirdi: İrandan gətirilən 55 kq narkotik ələ keçirildi

İran İslam Respublikasından Azərbaycan ərazisinə 55 kiloqramdan çox narkotik vasitənin qaçaqmalçılıq yolu ilə keçirilməsinin qarşısı alınıb.

hadiseler.info xəbər verir ki, bu barədə Dövlət Sərhəd Xidmətinin (DSX) Mətbuat Mərkəzi məlumat yayıb.

Həyata keçirilən sərhəd axtarışı və əməliyyat tədbirləri nəticəsində “Horadiz” sərhəd dəstəsinin xidməti ərazisində ümumilikdə 55 kiloqram 105 qram narkotik vasitə və 1000 ədəd psixotrop tərkibli “Metadon M-40” həbi müsadirə olunub.

Əməliyyat çərçivəsində avqustun 21-də 26 kiloqramdan çox narkotik və psixotrop həbləri ölkəyə keçirmək istəyən 1 nəfər, avqustun 22-də isə 29 kiloqramdan artıq narkotik vasitəni sərhəddən keçirməyə cəhd edən 3 Azərbaycan vətəndaşı saxlanılıb.

Hər iki fakt üzrə əməliyyat-istintaq tədbirləri davam etdirilir.