Ebola bu ölkəyə də sıçradı

Nigeriya hökuməti ölkənin paytaxtı Abujada ilk təsdiqlənmiş Ebola virusuna yoluxma halının qeydə alındığını rəsmən elan edib.

hadiseler.info xəbər verir ki, Nigeriyanın Səhiyyə Nazirliyinin yaydığı məlumata görə, təhlükəli xəstəlik Uqandadan qayıdan qadın vətəndaşda aşkar olunub.

Xəstəliyi daşıyan şəxs dərhal təcrid olunaraq xüsusi müalicəyə cəlb edilib. Epidemioloji araşdırmalar çərçivəsində yoluxan şəxslə sıx təmasda olmuş 44 nəfər müəyyənləşdirilərək ciddi həkim nəzarətinə götürülüb. Virusun yayılmasının qarşısını almaq məqsədilə ölkənin bütün sərhəd-keçid məntəqələrində sanitariya-karantin nəzarəti maksimum dərəcədə gücləndirilib.

Nigeriyanın səhiyyə naziri Məhəmməd Pate əhalini təşvişə düşməməyə, şəxsi gigiyena qaydalarına kəskin riayət etməyə və qızdırma, halsızlıq, baş ağrısı kimi simptomlar müşahidə edildikdə vaxt itirmədən dərhal tibb müəssisələrinə müraciət etməyə çağırıb.