Əməkdar incəsənət xadimi Amin Novruzov vəfat edib
Azərbaycan kinematoqrafiyasının tanınmış nümayəndəsi, Əməkdar incəsənət xadimi Amin Novruzov 79 yaşında dünyasını dəyişib.
hadiseler.info xəbər verir ki, bu barədə Azərbaycan Dövlət Film Fondu məlumat yayıb.
1960-cı illərin sonundan film sahəsində fəaliyyətə başlayan Amin Novruzov bir çox məşhur ekran əsərində operator assistenti və ikinci operator kimi çalışıb. 1978–1983-cü illərdə Ümumittifaq Dövlət Kinematoqrafiya İnstitutunda (VGIK) V.Yusovun emalatxanasında kinooperatorluq təhsili alıb.
Görkəmli kinooperator quruluşçu operator kimi milli kinosənətimizin bir sıra unudulmaz filmlərinə imza atıb:
“Bəxt üzüyü”
“Özgə vaxt”
“Süd dişinin ağrısı”
“Yalan”
“Arxada qalmış gələcək”
“Musiqili xaş”
“Cin mikrorayonda”
“Ləqəbi ‘İKA’dır”
Amin Novruzov Azərbaycan kinosunun inkişafındakı xidmətlərinə görə 2000-ci ildə Azərbaycanın Əməkdar incəsənət xadimi fəxri adına layiq görülmüşdü.
No Comment! Be the first one.