Ərdoğan: “Türkiyə sülh və sabitlik naminə səylərini davam etdirir”

Türkiyə Prezidenti Rəcəb Tayyib Ərdoğan Bişkekdə keçirilən Şanxay Əməkdaşlıq Təşkilatının (ŞƏT) sammitində regionda sülhün və diplomatik həll yollarının vacibliyini bəyan edib.

hadiseler.info xəbər verir ki, Türkiyə lideri ŞƏT-i dövlətlərarası qarşılıqlı fəaliyyətin “yüksələn ulduzu” və çoxqütblü dünya nizamının əvəzolunmaz elementi adlandıraraq, təşkilata üzv ölkələrlə bütün sahələrdə əməkdaşlığa hazır olduqlarını bildirib. Ərdoğan Məkkədə Səudiyyə Ərəbistanı və Pakistanla imzalanan üçtərəfli müdafiə paktının regional və qlobal sülhə töhfə verəcəyini vurğulayıb. Çıxışında iqlim dəyişikliyi, qeyri-qanuni miqrasiya, terrorizm və ərzaq təhlükəsizliyi kimi qlobal təhdidlərə toxunan Prezident, Xəzərdən keçən Orta Dəhlizin “Bir kəmər, bir yol” təşəbbüsü ilə uzlaşdırılmasının vacibliyini qeyd edib. O, həmçinin BMT TŞ-nin qeyri-daimi üzvü seçilən Qırğızıstanı təbrik edib və ŞƏT liderlərini Antalyada keçiriləcək COP31 iqlim sammitinə dəvət edib.