Estoniyada yeni prezident seçildi

Estoniya parlamenti 51 yaşlı ədliyyə kansleri Ulla Madizeni ölkənin yeni prezidenti seçib.

hadiseler.info xəbər verir ki, Ulla Madize sentyabrın 2-də keçirilən parlament iclasında gizli səsvermə yolu ilə dövlət başçısı seçilib.

Səsvermədə 101 deputatdan 71-i onun lehinə səs verib. Prezident seçilmək üçün parlament üzvlərinin üçdə ikisinin, yəni ən azı 68 deputatın dəstəyi tələb olunurdu. Madizenin namizədliyi “İslahat Partiyası”, “Estoniya 200”, “Vətən” və sosial-demokratlar da daxil olmaqla 75 deputat tərəfindən irəli sürülmüşdü.

2015-ci ildən ədliyyə kansleri vəzifəsini tutan Ulla Madize oktyabrın 12-də parlamentdə and içərək rəsmi olaraq prezident vəzifəsinin icrasına başlayacaq.