FHN-dən güclü küləklə bağlı MÜRACİƏT

Fövqəladə Hallar Nazirliyi (FHN) hazırda müşahidə olunan güclü küləkli hava şəraiti ilə əlaqədar əhaliyə növbəti dəfə müraciət edib.

hadiseler.info xəbər verir ki, müraciətdə Bakı və Abşeron yarımadası da daxil olmaqla, ölkə ərazisində hökm sürən küləkli havanın insan hayatı və sağlamlığı üçün ciddi təhlükə yarada biləcəyi vurğulanıb.

Nazirlik vətəndaşlara xüsusi təhlükəsizlik qaydalarına əməl etməyi tövsiyə edir:

 Yüngül konstruksiyalı və müvəqqəti tikililərdən, bina və reklam lövhələrindən uzaq durmaq;

 Elektrik dirəyi, naqillər və hündür ağacların altında dayanmamaq;

 Güclü küləyin yanğınların söndürülməsində yaratdığı çətinlikləri nəzərə alaraq yanğın təhlükəsizliyi qaydalarına xüsusilə ciddi riayət etmək.

FHN bir daha xatırladır ki, qaydalara biganəlik həyat üçün təhlükəlidir. İstənilən fövqəladə vəziyyətdə dərhal 112 qaynar xəttinə zəng etmək xahiş olunur.