Fransadakı aksiyalarda yarım milyondan çox adam iştirak edib

Fransada artan yaşayış xərclərinə və yüksək yanacaq qiymətlərinə qarşı ölkə miqyasında keçirilən kütləvi etiraz aksiyalarının miqyası genişlənir.

hadiseler.info xəbər verir ki, oktyabrın 17-də keçirilən nümayişlərdə ümumilikdə təxminən 550 min insan iştirak edib. Bu barədə “BBC” məlumat yayıb.

Məlumatda bildirilir ki, xüsusilə Paris, Marsel və bir sıra digər böyük şəhərlərdə dinc başlayan nümayişlər qısa müddətdə hüquq-mühafizə orqanları ilə şiddətli toqquşmalara çevrilib.

Təhlükəsizlik qüvvələri nümayişçiləri dağıtmaq üçün gözyaşardıcı qaz və xüsusi vasitələrdən istifadə edib. Ölkə üzrə keçirilən genişmiqyaslı etiraz aksiyaları zamanı ictimai qaydanı pozan yüzlərlə insan polis tərəfindən saxlanılıb.