“Gələn il minimum əməkhaqqı, pensiyalar və sosial müavinətlər qaldırılacaq”

Yeni Azərbaycan Partiyasının VIII Qurultayında çıxış edən Prezident İlham Əliyev əhalinin sosial rifahının yaxşılaşdırılması və sosial müdafiə tədbirlərinin davam etdirilməsi ilə bağlı mühüm bəyanat verib.

hadiseler.info xəbər verir ki, dövlət başçısı sosial siyasətin müntəzəm olaraq həyata keçirildiyini və vətəndaşların rifahının ildən-ilə artırılmasının əsas prioritet olduğunu diqqətə çatdırıb.

Prezident İlham Əliyev tapşırıqların artıq verildiyini bildirərək deyib: “Artıq göstəriş verildi, gələn il minimum əməkhaqqı qaldırılacaq, pensiyalar qaldırılacaq, sosial müavinətlər qaldırılacaq. Bu siyasəti biz müntəzəm aparırıq ki, Azərbaycan xalqının rifahı ildən-ilə yaxşılaşsın”.