Gürcüstandan qalxan təyyarə Türkiyə sahillərində dənizə düşüb

Gürcüstandan havaya qalxan kiçik təyyarə Türkiyənin Rize vilayətinin sahillərində qəza enişi edərək suya düşüb.

hadiseler.info xəbər verir ki, hadisə Rizenin Çayəli rayonu sahillərində qeydə alınıb. Batumi şəhərindən havalanan və göyərtəsində 2 nəfərin olduğu kiçik təyyarənin dənizə düşməsindən sonra ərazidə dərhal axtarış-xilasetmə əməliyyatlarına başlanılıb.

Qəza enişinin başvermə səbəbləri hələlik məlum deyil, xilasetmə işləri və araşdırmalar davam etdirilir.