”Yaratdığı obrazlarla yaddaşlarda qalacaq”

Mədəniyyət naziri Adil Kərimli Xalq artisti Aleksandr Şarovski ilə vida mərasimində iştirak edərək merhum sənətkarın Azərbaycan teatrı və mədəniyyətindəki müstəsna xidmətlərini vurğulayıb.

hadiseler.info xəbər verir ki, nazir Adil Kərimli Aleksandr Şarovskinin ömrünün uzun illərini teatra həsr etdiyini, yaradıcılığı, sənətə bağlılığı və yaratdığı obrazlarla hər zaman yaddaşlarda qalacağını bildirib. Nazir qeyd edib ki, ustad sənətkar teatr fəaliyyəti ilə yanaşı, Azərbaycandakı multikultural dəyərlərin, tolerantlıq mühitinin inkişafına, dövlətçiliyimizə və milli-mədəni irsimizin qorunmasına böyük töhfələr verib.

Adil Kərimli Mədəniyyət Nazirliyinin kollektivi adından merhumun ailəsinə, həyat yoldaşına, teatr kollektivinə və bütün sevənlərinə dərin hüznlə başsağlığı verib.