Hindistanda dəhşətli leysan: 56 ölü, 46 yaralı

Hindistanın Uttar-Pradeş ştatında tüğyan edən güclü leysan yağışları ağır tələfat və dağıntılara səbəb olub.

hadiseler.info xəbər verir ki, bu barədə “Times of India” nəşri məlumat yayıb.

Məlumata görə, təbii fəlakət nəticəsində 56 nəfər həyatını itirib, 46 nəfər isə müxtəlif dərəcəli xəsarətlər alıb. Ən çox ölüm halı Sitapur rayonunda (7 nəfər) qeydə alınıb. Leysan nəticəsində 107 ev heyvanı tələf olub, 1021 yaşayış evinə ziyan dəyib.

Bildirilir ki, 48 saat ərzində ştat ərazisinə orta hesabla 66,5 mm yağıntı düşüb ki, bu da normadan (7,6 mm) 775 faiz çoxdur. Hazırda xilasedicilər ərazidə axtarış-xilasetmə işlərini davam etdirir, zərərçəkənlərə yardım göstərirlər.