Husilərin irəliləyişi ABŞ-ni çətin seçim qarşısında qoyur: Qırmızı dənizdə yeni böhran

İran yönümlü husi döyüşçülərinin Yəmənin cənub sahilləri boyunca sürətli hücumu nəticəsində strateji Perim adasını ələ keçirməsi ABŞ Prezidenti Donald Tramp administrasiyasını mürəkkəb geosiyasi böhranla üz-üzə qoyub.

hadiseler.info “Reuters” agentliyinə istinadən xəbər verir ki, husilərin Qırmızı dənizin girişində yerləşən Bab əl-Məndəb boğazına nəzarəti genişləndirməsi qlobal enerji təchizatına ciddi təhlükə yaradır. Hücumlar nəticəsində Hörmüz boğazında hərəkətin məhdudlaşmasından sonra Səudiyyə Ərəbistanının neft ixracını Qırmızı dəniz limanlarına yönəltməsi bu addımı daha da kritik edir. Qlobal neft daşımalarının 7%-dən çoxunun keçdiyi bu marşrutun təmamilə bağlanması riski enerji qiymətlərinin kəskin artması ilə nəticələnə bilər.

Səudiyyə Ərəbistanının vəliəhd şahzadəsi Məhəmməd bin Salman Vaşinqtondan birbaşa hərbi müdaxilə istəsə də, Tramp administrasiyası hələlik yalnız kəşfiyyat dəstəyi verməklə kifayətlənəcəyini bildirib. Mütəxəssislər qeyd edir ki, İranla davam edən münaqişə fondunda ABŞ ordusunun resurslarının məhdudlaşması və noyabrda keçiriləcək Konqresə aralıq seçkiləri ərəfəsində daxili siyasi təzyiqlər Ağ Evin birbaşa hərbi əməliyyatlara qoşulmasını çətinləşdirir.