Husilər Səudiyyə Ərəbistanının Müdafiə Nazirliyinin binasını vurdu

Yəmənin “Ənsar Allah” hərəkatı Səudiyyə Ərəbistanının paytaxtı Ər-Riyadda yerləşən Müdafiə Nazirliyinin binasına ballistik raketlərlə zərbə endirdiyini elan edib.

hadiseler.info xəbər verir ki, bu barədə hərəkatın hərbi sözçüsü Yəhya Saria özünün “Telegram” kanalında məlumat yayıb.

Yəhya Saria bildirib ki, Yəmən Silahlı Qüvvələri son 48 saat ərzində ballistik raketlər və pilotsuz uçuş aparatlarından (PUA) istifadə etməklə dörd yüksək dəqiqlikli hərbi əməliyyat həyata keçirib. Hərbi sözçünün sözlərinə görə, bu əməliyyatlardan biri birbaşa Səudiyyə Ərəbistanının Müdafiə Nazirliyinin Ər-Riyaddakı mərkəzi binasını hədəf alıb.

Bununla yanaşı, hərəkat rəsmisi digər zərbələrin Səudiyyə Ərəbistanının Yənbu şəhərində yerləşən “Saudi Aramco” dövlət neft şirkətinin strateji infrastruktur obyektlərinə qarşı yönəldildiyini də diqqətə çatdırıb.