İmran Xan həbsxanadan xəstəxanaya köçürülür

Pakistan Ali Məhkəməsi ölkənin sabiq Baş naziri İmran Xanın yakın günlərdə həbsxanadan xəstəxanaya köçürülməsi barədə qərar çıxarıb.

hadiseler.info xəbər verir ki, məhkəmə həmçinin keçmiş hökumət başçısının ailə üzvləri ilə həftəlik görüşlərinin təmin edilməsi barədə qərar qəbul edib. İmran Xan məhkəmə tərəfindən təyin olunmuş tibbi komissiyanın nəzarəti altında sentyabrın 16-dək xəstəxanada qalmalıdır.

Qərar saxlanıldığı həbsxananın rəisinin müvafiq hesabatından sonra verilib. Həkimlər 73 yaşlı eks-baş nazirin nəbzində və ürəyində problemlər aşkar ediblər. Yaradılacaq tibbi komissiyaya onun şəxsi həkimi və bacısı dr. Üzma Xan da daxil edilib.

Qeyd edək ki, 2018–2022-ci illərdə Baş nazir olan İmran Xan 2023-cü ilin avqustundan həbsdədir. O, dövlət sirrini pozmağa və korrupsiyaya görə ümumilikdə 24 il azadlıqdan məhrum edilib.