İndoneziyada 7,7 bal gücündə dəhşətli zəlzələ: Ölənlər var

İndoneziyanın Flores adası yaxınlığında baş verən şiddətli zəlzələ nəticəsində həyatını itirənlərin sayı 20 nəfərə çatıb.

hadiseler.info xarici KİV-ə istinadən xəbər verir ki, adanın şimal sahillərində qeydə alınan 7,7 bal gücündəki yeraltı təkanlar dörd kənddə ciddi dağıntılara səbəb olub.

Dağıntılar altından 6 nəfər yaralı çıxarılıb, daha 2 nəfərin isə axtarışları davam etdirilir. Ən ağır vəziyyət episentrə ən yaxın yerləşən Nagekeo bölgəsində hökm sürür. Yollarda baş verən torpaq sürüşmələri xilasedicilərin əraziyə irəliləməsini çətinləşdirir.

İndoneziya Meteorologiya, İqlim və Geofizika Agentliyinin məlumatına görə, əsas təkanın ardından ən güclüsü 6,1 bal olmaqla onlarca afterşok qeydə alınıb. Sahil boyu dəniz səviyyəsinin monitorinqi davam etdirilir.