İran ABŞ bazalarındakı müdafiə sistemlərini məhv etdiyini bəyan etdi

İran Yaxın Şərqdə yerləşən ABŞ hərbi bazalarındakı hava hücumundan müdafiə (HHM) və radar sistemlərini sıradan çıxardığını iddia edib.

hadiseler.info xəbər verir ki, bu barədə İranın hərbi sözçüsü Məhəmməd Əkrəminiya məlumat verib.

Əkrəminiyanın sözlərinə görə, İran ABŞ-nin son hücumlarına cavab olaraq Amerika bazalarındakı hava hücumundan müdafiə və radar sistemlərini hədəf alaraq məhv etməyə müvəffəq olub. Hərbi sözçü bildirib ki, bu sistemlərin sıradan çıxarılması raket və dronların İsrailə çatması üçün yolu açıb və həmin ərazilərdəki bazalara zərbə endirməyi asanlaşdırıb.

O, həmçinin əlavə edib ki, İran özünə qarşı hər hansı təhlükə hiss edəcəyi təqdirdə “profilaktik əməliyyatlar” həyata keçirəcək.