İran Avropa İttifaqından konstruktiv mövqe tələb edib

İran İslam Respublikası ABŞ ilə davam edən münaqişə fonunda Avropa İttifaqından ikili standartlardan imtina etməyi və konstruktiv mövqe nümayiş etdirməyi tələb edib.

hadiseler.info xəbər verir ki, bu barədə İranın xarici işlər naziri Abbas Əraqçi BMT Baş Assambleyasının 81-ci sessiyası çərçivəsində Aİ-nin xarici işlər və təhlükəsizlik siyasəti üzrə ali nümayəndəsi Kaya Kallasla görüşündə bildirib.

Əraqçi İranın regional sülh və təhlükəsizlik üçün diplomatiyaya sadiq olduğunu vurğulasa da, Vaşinqtonun öhdəliklərini dəfələrlə pozmasının diplomatik prosesləri əngəllədiyini qeyd edib. Nazir, həmçinin Aİ-ni öz bəyan etdiyi prinsiplərə əməl etmək əvəzinə ABŞ qarşısında güzəştə getməkdə və ikili standartlar yürütməkdə günahlandırıb.

Görüşdə tərəflər qarşılıqlı maraq doğuran digər regional və beynəlxalq məsələləri də müzakirə ediblər.