İsrail Ordusu HƏMAS-ın bölük komandirini öldürdü

İsrail Müdafiə Ordusu Qəzza zolağının cənubunda keçirdiyi əməliyyatla HƏMAS-ın bölük komandirini məhv edib.

hadiseler.info xəbər verir ki, bu barədə İsrail hərbi idarəsi rəsmi məlumat yayıb.

Hava zərbəsi avqustun 13-də Xan-Yunis bölgəsinə endirilib. Əməliyyat nəticəsində HƏMAS-ın Xan-Yunis briqadasının bölük komandiri Hüdeyfə Xalid Süleyman Kavari öldürülüb.

İsrail tərəfinin bildirdiyinə görə, Kavari müharibə dövründə qruplaşma üzvlərinin təlimatlandırılması, silahların daşınması və döyüş qabiliyyətinin bərpası işlərinə cavabdeh olub. O, həmçinin son vaxtlar İsrail qüvvələrinə qarşı hücumların təşkilində ittiham edilirdi.

Məlumatda vurğulanır ki, zərbə qüvvədə olan atəşkəs rejiminə baxmayaraq endirilib. Buna səbəb Kavarinin İsrail hərbçilərinə qarşı aktiv hücum əməliyyatlarını davam etdirməsi olub.