İstanbulda qadın yük maşınının altında qaldı- VİDEO

İstanbulun Avcılar rayonunda ağır yol-nəqliyyat hadisəsi baş verib.

hadiseler.info Türkiyə KİV-inə istinadən xəbər verir ki, hadisə Yeşilkent məhəlləsində günorta saatlarında qeydə alınıb.

Məhəllədə dilənçilik etdiyi bildirilən yaşlı qadın küçədə hərəkət edərkən arxaya manevr edən yük avtomobilinin (kamyonet) altında qalaraq sürülənib. Ətrafdakı sakinlərin xəbərdarlığı ilə əraziyə gələn təcili tibbi yardım həkimləri qadının həyatını itirdiyini müəyyən ediblər.

Polis əməkdaşları ifadəsini almaq üçün sürücünü polis bölməsinə aparıb, qadının meyiti isə məhkəmə-tibbi ekspertizası üçün morqa təhvil verilib. Dəhşətli qəza anı ərazidəki təhlükəsizlik kamerası tərəfindən anbaan lentə alınıb.

Faktla bağlı polis tərəfindən araşdırma aparılır.