İtkin düşmüş 8 nəfər tapıldı

Azərbaycanda itkin kimi axtarışda olan bir neçə şəxs polis əməkdaşları tərəfindən tapılaraq ailələrinə təhvil verilib.

hadiseler.info “Qafqazinfo”ya istinadən xəbər verir ki, Daxili İşlər Nazirliyinin (DİN) Mətbuat Xidmətinin verdiyi məlumata görə, oktyabrın 9-da keçirilən tədbirlər nəticəsində ailə üzvlərinə məlumat vermədən yaşadığı ünvanı tərk edən və itkin kimi axtarılan 8 nəfərin yeri müəyyən olunub.

Həmin şəxslər tapılaraq aidiyyəti üzrə təhvil veriliblər. Axtarışda olan digər şəxslərin tapılması istiqamətində müvafiq tədbirlər davam etdirilir.