İtkin düşmüş əsgərin qalıqları 44 ildən sonra tapıldı

İsrail hərbçiləri 1982-ci ildə Livanın Sultan Yaqub kəndi yaxınlığında Suriya ordusu ilə döyüşdə həlak olan və uzun illərdir itkin düşmüş hesab edilən sonuncu əsgərin qalıqlarını aşkar ediblər.

Məlumata görə, Yehuda Katzın qalıqları İsrail Müdafiə Qüvvələrinin (İMQ) “Mossad” kəşfiyyat agentliyi ilə birgə keçirdiyi xüsusi əməliyyat zamanı tapılıb. Əsgərin ailəsinə məlumat verildikdən sonra xəbərin yayılmasına qoyulan rəsmi qadağa götürülüb. Katz sözügedən döyüşdən sonra taleyi qeyri-müəyyən qalan sonuncu İsrail hərbçisi idi.

Xatırladaq ki, “Sultan Yaqub” döyüşü 44 il əvvəl baş verib. Təxminən 8 saat davam edən ağır toqquşmada 20 İsrail əsgəri həlak olmuş, onlarla nəfər yaralanmış, 6 nəfər isə itkin düşmüşdü.