Kəmaləddin Heydərov Baş İdarəni ləğv etdi

Fövqəladə Hallar Nazirliyində (FHN) yeni struktur islahatı həyata keçirilib.

hadiseler.info xəbər verir ki, dövlət qurumlarında aparılan müvafiq struktur dəyişiklikləri çərçivəsində FHN-in Fövqəladə halların nəticələrinin aradan qaldırılması işinin təşkili Baş İdarəsi ləğv olunub.

Sözügedən qərarla bağlı Fövqəladə hallar naziri general-polkovnik Kəmaləddin Heydərov müvafiq əmr imzalayıb.

Qeyd edək ki, ləğv edilən Baş İdarənin rəisi 2024-cü ilin dekabrından polkovnik Kənan Aşurov idi. O, mərhum hüquqşünas, sabiq polis rəisi İsaxan Aşurovun oğludur.