Kəmaləddin Heydərov Kəlbəcərdə vətəndaşları qəbul edib

Fövqəladə hallar naziri Kəmaləddin Heydərov Kəlbəcər şəhərində vətəndaş qəbulu keçirib.

hadiseler.info xəbər verir ki, qəbul Kəlbəcər şəhərindəki B.Cəfərov adına 1 nömrəli tam orta məktəbin binasında tutulub. Görüşdə Kəlbəcər və Laçın rayonlarının sakinləri iştirak ediblər.

Nazir tərəfindən qəbul edilən vətəndaşların müraciətlərinin əksəriyyəti yerindəcə öz həllini tapıb. Araşdırılması tələb olunan digər məsələlərlə bağlı isə qanunvericiliyə uyğun zəruri tədbirlərin görülməsi üçün FHN-in aidiyyəti strukturlarının rəhbərlərinə tapşırıqlar verilib.