Rusiya“Xortitsa” zavodunu bombaladı

Rusiya Zaporojye şəhərində yerləşən məşhur “Xortitsa” spirtli içki zavoduna raket zərbələri endirib.

hadiseler.info xəbər verir ki, müəssisəyə 4 dəfə zərbə dəyməsi nəticəsində zavodda azı 3 saat yanğın baş verib. Zavodun mənsub olduğu “Global Spirits” şirkətindən bildirilib ki, binaya dəyən ciddi ziyan səbəbindən müəssisənin bərpası qeyri-mümkündür.

Hücum nəticəsində aksiz rüsumu ödənilmiş 3-4 milyon şüşə hazır məhsul məhv olub. İçkilərin bir hissəsi yanaraq külə dönüb, digər hissəsi isə ərinti halına düşdüyündən utilizasiya edilir. Zararın dəqiq məbləği hələ ki açıqlanmayıb.